Фудбалерите на Евертон и Вест Хем ремизираа 1-1 во шестото коло на Премиер-лигата.
Ова беше деби за Нуно Еспирито Санто на клупата на Вест Хем, кој може да биде задоволен со освоениот бод на тешкото гостување.
Евертон беше поактивен во првото полувреме и заслужено поведе во 18. минута. Гарнер не успеа директно од корнер, но по продолжението на акцијата Кин ја затресе мрежата за 1-0. Домаќините имаа шанса и за втор гол пред одморот, но Дузбери-Хол не беше прецизен.
Во второто полувреме Вест Хем израмни во 65. минута. Левиот бек Диуф центрираше кон Боувен, кој мајсторски го погоди далечниот агол за 1-1.
