Напаѓачот на Њукасл, Александар Исак, нема да патува со тимот на азиската турнеја, соопштија „чавките“. Причината за тоа е лесна повреда на бутниот мускул, поради која ќе го пропушти патувањето во Сингапур и Јужна Кореја.
Исак не беше дел од составот на Еди Хау ниту при победата над Селтик на првиот пријателски натпревар во летната подготовка.
Њукасл ќе се соочи со Арсенал, Тотенхем и комбинирана селекција од Кореја.
Шведскиот напаѓач е цел на бројни шпекулации последните неколку недели. Се сметаше дека Ливерпул е главен фаворит за неговиот потпис, но клубот од Мерсисајд веќе го ангажираше Хуго Екитике. Сепак, и понатаму останува можноста за трансфер на „Енфилд“.
