Капитенот на Њукасл, Бруно Гимараеш, се очекува да отсуствува од терените во наредните неколку месеци поради повреда на тетивата на коленото.
Бразилецот мораше принудно да го напушти теренот во победата од 2-1 против Тотенхем во вторникот вечерта, а тоа беше негов само втор натпревар откако се опорави од повреда на глуждот.
Менаџерот Еди Хау истакна дека самиот фудбалер е изненаден, бидејќи никогаш претходно немал проблеми со оваа мускулна група.
Отсуството на Бруно Гимараеш е голема загуба за Њукасл, а бројките го потврдуваат неговото клучно значење за тимот. Од неговото деби во февруари 2022 година досега, тимот не победил ниту еден од десетте натпревари во Премиер – лигата во кои тој не учествувал.
Со учеството на Бруно Гимараеш, Њукасл победи на 51% од натпреварите.
Њукасл влегува во решавачка серија натпревари, започнувајќи од денес со дуелот против Астон Вила во четвртото коло од ФА Купот. Во моментов, Еди Хау располага само со тројца искусни централни играчи за врска, Сандро Тонали, Џо Вилок и Џејкоб Рамзи.
Добрата вест за стручниот штаб е очекуваното враќање на Жоелинтон, кој закрепнува од повреда на препоните. Клубот се надева дека и младата надеж Луис Мајли нема да отсуствува долго.
