Амар Дедиќ е на чекор до преселба во Премиер – лигата, откако преговорите меѓу Њукасл и Бенфика за трансферот на босанскиот репрезентативец влегоа во завршна фаза.
Според последните информации, Дедиќ веќе ги договорил личните услови со англискиот клуб и се очекува да потпише долгорочен договор. Останува само Њукасл и Бенфика да ги усогласат последните детали околу трансферот.
Се очекува отштетата да изнесува околу 33 милиони евра, што би претставувало значаен трансфер во кариерата на 23-годишниот бек.
Интересот на Њукасл за Дедиќ не е нов, а голема улога во потенцијалниот трансфер би можел да има и новиот тренер Матијас Јајсле. Германецот одлично го познава Дедиќ од периодот кога двајцата соработуваа во Салцбург и очигледно смета дека тој може да биде важно засилување за неговиот тим.
Една од најголемите предности на Дедиќ е неговата разновидност. Репрезентативецот на БиХ може да игра и на левата и на десната страна од одбраната, што му дава дополнителна вредност во тимот.
Фудбалскиот пат го започна во младинската школа на Ред Бул Салцбург, каде постепено се избори за место во првиот тим и помогна клубот да ја освои титулата во Австрија.
За Салцбург запиша речиси 100 настапи во сите натпреварувања и постигна осум голови. Во летото 2025 година се пресели во Бенфика, каде продолжи со развојот и досега има повеќе од 40 настапи, еден гол и четири асистенции.
