Новите сопственици на Интер објавија дека досегашниот извршен директор на клубот, Џузепе Марота, е промовиран на функцијата претседател. Промена има и во членовите на Управниот одбор.
Како што е познато, шампионот на Италија пред две недели прејде во сопственост на американскиот инвестициски фонд „Oaktree“. Ова стана факт откако претходниот сопственик на „нероаѕурите“, Кинезот Стивен Жанг и неговата компанија „Сунинг“ не успеаја да ја платат сумата за рефинансирање на долгот кон Американците од близу 380 милиони евра заедно со каматата.
Марота е извршен директор на Интер од 2018 година, откако претходно мина осум сезони во Јувентус.
