Челси синоќа успее да остане непоразен на дербито (1-1) против Манчестер Сити со доцниот гол на Енцо Фернандез, а од клупата го предводеше привремен стратег. По заминувањето на Енцо Мареска, должноста ја доби тренерот на У21 тимот, Калум Мекфарлејн.
Сепак, многу брзо се очекува раководството на клубот да назначи нов менаџер, кој ќе добие доверба и долгорочен договор.
Тоа е досегашниот тренер на Стразбур, Лиам Розениор. Тој синоќа пристигна во Лондон и во текот на денешниот ден треба да потпише долгорочен договор и да почне со работа на „Стемфорд бриџ“.
