Фудбалерот на Ливерпул, Рајан Гравенберх, се здоби со повреда. Ова беше објавено во официјално соопштение на репрезентацијата на Холандија на социјалните мрежи, каде што беше потврдено дека фудбалерот го напуштил кампот на националниот тим.
Се тврди дека Гравенберх се повредил во финалето на Карабао купот против Њукасл, кое Ливерпул го загуби со 1-2. Сè уште не е познато колку долго ќе отсуствува од терените, но оваа вест дефинитивно е лоша за Арне Слот и неговиот тим, особено затоа што следи завршницата на сезоната, во која Ливерпул ќе се бори за својата 20-та титула во Премиер лигата.
Гравенберх е еден од најконстантните играчи за Црвените оваа сезона и сите во клубот со нетрпение ќе очекуваат новости во врска со неговата здравствена состојба.
