Претседателот на ФИФА, Џани Инфантино, повторно се најде во центарот на сериозен скандал, откако истражувања на американскиот „Њујорк тајмс“ и францускиот „Ле Монд“ открија наводни финансиски привилегии на првиот човек на светскиот фудбал.
Според објавените информации, ФИФА ги презела даночните обврски на Инфантино во САД за 2024, 2025 и 2026 година, во вкупна вредност од околу четири милиони долари.
Механизмот за даночно израмнување бил создаден за вработените во ФИФА кои се преселуваат во САД поради работните обврски поврзани со Светското првенство. Сепак, според истражувањата, оваа поволност била наменета исклучиво за редовниот персонал, а не и за избраните функционери, меѓу кои е и претседателот на организацијата.
Дополнително, се тврди дека посебниот третман за Инфантино бил одобрен од мала комисија задолжена за утврдување на платите на највисоките функционери во 2024 година. Одлуката, според медиумите, не била внесена во официјалната документација на ФИФА, што отвора прашања за транспарентноста на постапката.
Во истрагата се споменува и Бруно Киоменто, швајцарски адвокат и претседател на независниот Комитет за управување, ревизија и усогласеност на ФИФА. Киоменто, кој со Инфантино е пријател околу две децении, учествувал во разгледувањето на прашањето за даночните привилегии.
И самиот тој добивал посебни поволности. Наводно, бил единствениот претседател на комисија со ВИП-акредитација за Светското првенство, која му овозможувала самостојно да избира кои натпревари ќе ги следи. Неговата годишна плата изнесува 250.000 швајцарски франци и се исплаќа во швајцарска валута, за разлика од другите претседатели на комисии, кои добиваат плата во американски долари.
Новите откритија доаѓаат во чувствителен период за Инфантино, кој веќе се соочи со критики поради неуспешниот проект за продажба на правата за Светското првенство на приватни инвеститори. Идејата наиде на силен отпор, а дел од европските фудбалски федерации дури се заканија и со бојкот.
Во меѓувреме, на 18 март во Ванкувер треба да се одржат претседателските избори во ФИФА. Инфантино засега е единствениот најавен кандидат за четврти мандат на чело на светската фудбалска организација.
-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум победи и на второто последовно дерби, славејќи против Шкендија Тетово со...
Автор makfudbal
-
МАКФУДБАЛ ИГРАЧ на колото: Христијан Малески (Струга ТЛ)
Големите фудбалери се познаваат на големите натпревари. Струга Трим Лум успеа да ја победи...
Автор makfudbal
Млади репрезентации
Репрезентацијата до 19 години освои бод во дуелот против Северна Ирска
Млади репрезентации
Хет-трик на Стефан Ристиќ, голема победа на Македонија У17 против Унгарија
Млади репрезентации
Репрезентацијата до 19 години освои бод во дуелот против Северна Ирска
Интернационалци
Ѓоко Хаџиевски ќе биде нов тренер на Локомотив Софија?













