Голманот на Ајакс, Андре Онана, доби едногодишна суспензија од УЕФА откако паднал на допинг – тест. Тој бил позитивен на супстанцата „Furosemide“ која е ставена на листата на забранети супстанци. Онана на рутински допинг – тест направен на 30 октомври во тестот од урината покажал знаци на оваа супстанца.
Онана се оправдал дека невнимателно земал таблета „Lasimac“ кои биле наменети за неговата сопруга која не се чувствувала добро. Сепак, суспензијата од УЕФА е на сила веднаш и во должина од 12 месеци, а Ајакс и Онана имаат право на жалба на Судот за арбитража во Лозана.
Само два дена претходно Ајакс направи голем „кикс“ откако не успеа да го лиценцира најскапото засилување Себастијан Халер за настап во Лигата на Европа.
