„Нов локдаун би ја уништил Бундес-лигата“

Коронавирусот повторно сериозно се заканува ширум Европа, расте бројот на заболени и во Германија и власите размислуваат за воведување на нови вонредни мерки. Дали тоа значи дека повторно би можел да сопре и фудбалот?

Првиот човек на Борусија Дортмунд, Ханс Јоаким Вацке, вели дека тоа би била катастрофа за германските фудбалски клубови. 

„Нов локдаун? Не ни сакам да помислам што може тоа да донесе. Најголем дел од клубовите ќе немаат друг избор освен да прогласат банкрот. И овие вакви услови едвај „крпат“ за да ја истуркаат сезоната. Нов прекин на фудбалското првенство би значел и тотален колапс на Бундес-лигата“, изјави Ханс Јоаким Вацке.