Голманот на Баерн Минхен, Мануел Нојер, ќе потпише нов договор со германскиот великан и ќе ја продолжи соработката до летото 2025 година. Раководството на баварскиот клуб лесно најде заеднички јазик со капитенот, откако претходно се договори и со Томас Милер за продолжување на соработката.
Спортскиот директор Хасан Салихамиџиќ се чини дека најмногу проблеми ќе има со Серж Гнабри и со Роберт Левандовски. Офанзивците најавуваат и можна разделба во летниот преоден рок, доколку клубот не успее да ги убеди да потпишат нови договори.
