Фудбалската репрезентација на Македонија ги стартуваше подготовките за двата квалификациски натпревари против Израел и против Летонија на гостински терен. Играчот за врска, Бобан Николов, смета дека е важно како ќе одигра Македонија, а не противниците и очекува поволни резултати од двете гостувања.
„Не очекуваат два многу тешки натпревари, мислам дека можеме да ги добиеме и двата, зошто да не. Сакаме уште да се докажуваме и да покажеме дека тоа беше само слаб ден со Австрија. Но, што било поминало, сега е најважно што не чека понатаму, оваа репрезентација многу ветува и покажала квалитет. Не одиме да се браниме, одиме на победа, мило ми е што играчите се здрави, едвај чекам да ги видам моите колеги, и мислам дека заедно ако се сплотиме, мислам дека нема да имаме проблеми. Ако бидеме фокусирани како со Полска, ќе немаме проблем. Најважно е како ние ќе одиграме, а не противниците“, изјави Бобан Николов на денешниот брифинг во хотелот „Парк“.
