Поранешниот македонски репрезентативец Никола Ѓорѓев се враќа на добро познат терен. По кратката епизода во редовите на португалски Фаренсе, крилниот напаѓач го официјализираше трансферот во швајцарскиот Ксамакс.
Швајцарија со право се смета за негова фудбалска „втора татковина“, со оглед на тоа што таму ја почна кариерата и го помина нејзиниот најголем дел.
Ѓорѓев беше еден од клучните актери во историскиот успех на македонската У21 репрезентација која обезбеди пласман на Европското првенство во Полска во 2017 година, а подоцна запиша и пет настапи за сениорскиот национален тим.
Во богатата кариера, тој ги бранеше боите на Цирих, Грасхоперс, Твенте, Арау и Шафхаузен.
