Македонскиот репрезентативец Илија Несторовски немаше свој ден на вечерашниот дуел против Венеција во Серија Б (1-1). Капитенот на Палермо промаши пенал во 71.минута, откако самиот се избори за најстрога казна во противничкиот шеснаесетник. Сепак, неговиот удар го одбрани голманот на Венеција, Викарио.
Домашниот тим Венеција поведе со голот на Рикардо Бокалон во 39.минута од натпреварот. Палермо од пораз го спаси Унгарецот Пушкаш во 84.минута.
Александар Трајковски исто така беше стартер за Палермо и играше до 77.минута, кога на негово место во игра влезе Стефано Морео.
