Фудбалската федерација на Македонија ја официјализираше одлуката целиот приход од продажбата на билетите за претстојниот натпревар против Велс, кој ќе се одигра во вторник на „Тодор Проески Арена“ со почеток во 20:45 часот, да биде дониран за настраданите во трагедијата во Кочани.
Оваа информација беше најавена вчера од претседателот на ФФМ, Масар Омерагиќ, а сега е и официјално потврдена преку социјалните мрежи на федерацијата.
