Утрово во населбата Пујанке во Сплит се случи масовна тепачка меѓу навивачите на Хајдук и Динамо Загреб, во пресрет на големото дерби меѓу овие два ривалски клуба. Според досегашните информации, се работи за однапред договорен судир помеѓу членовите на навивачките групи Торцида и Бед Блу Бојс.
Во тепачката учествувале околу 200 навивачи на Хајдук и приближно 80 навивачи на Динамо. Полицијата брзо реагирала на пријавите и пристигнала на местото на инцидентот, по што биле приведени повеќе од 100 лица.
Неофицијално, меѓу приведените има околу 20 припадници на Торцида и околу 80 членови на Бед Блу Бојс.
Инцидентот дополнително ја вжешти атмосферата пред дербито, а на социјалните мрежи се појави и видео-снимка на која се гледа како еден од приведените навивачи со лисици на рацете успева да избега од полицајците, претрчувајќи низ парк и улица. Полицаецот што го брка не успеал да го стигне.
