Наполи појавува интерес за крилниот напаѓач на Челси, Рахим Стерлинг, јавува „Кориере дело Спорт”. Тренерот Антонио Конте сака да го засили нападот во јануарскиот трансфер прозорец, а Стерлинг е една од опциите на неговиот список.
Стерлинг се врати во Челси летото минатата година, по едногодишна позајмица во Арсенал. По враќањето на „Стемфорд бриџ“, тренерот Енцо Мареска му соопшти дека нема да смета на него, а дури не му беше дозволено ни да тренира со првиот тим. Неговиот последен официјален натпревар беше во мај минатата година.
Наполи веќе има добри искуства со англиски трансфери во последните сезони, како на пример Скот Мактоминеј, кој беше избран за играч на сезоната во Серија А, и Расмус Хојлунд.
Според информациите, каква било трансакција со Стерлинг би значела Челси да покрие речиси целата негова висока плата, додека за него интерес покажуваат и Фулам и Вест Хем.
