Наполи и Аталанта ремизираа без голови на стадионот „Диего Армандо Марадона“ во Неапол во првиот полуфинален меч од Купот на Италија. Тимот на Џенаро Гатузо без предност ќе патува на реваншот во Бергамо што ќе се игра за седум дена и на кој ќе биде одлучен патникот за финалето.
Македонскиот репрезентативец Елиф Елмас доби шанса во второто полувреме. Тој влезе на теренот во 66.минута на местото на Диего Деме. Гатузо се обиде со неколку замени да внесе живост во играта, но „наполитанците“ не успеаја да постигнат гол.
