Италијанскиот калчолигаш Наполи ја одбил понудата на Фенербахче за Ромелу Лукаку, објавија турските медиуми. „Фенерите“ понудиле 6 милиони евра за правата на 33-годишниот Белгиец.
„Партенопеите“, сепак, инсистираат на најмалку 10 милиони евра, а преговорите меѓу двата клуба продолжуваат.
Се очекува Ромелу Лукаку да го напушти Неапол, каде што нема да сметаат на него. Тој има договор со италијанскиот клуб до крајот на уште една сезона.
Се сметаше дека Монако е заинтересиран за напаѓачот, но челниците на францускиот клуб во моментов не водат преговори за негов ангажман.
