Англискиот премиерлигаш Манчестер Сити подготвува феноменален договор за Лионел Меси, доколку аргентинскиот интернационалец се сложи да пристигне на „Етихад“ по завршувањето на сезоната. Тој речиси сигурно заминува од „Камп Ноу“, а во опција за негова следна дестинација е и Пари Сен Жермен.
Раководстото на Манчестер Сити има подготвено фантастичен договор за Лионел Меси. Половина милијарда евра се подготвени за Аргентинецот доколку се сложи да потпише договор на пет сезони.
Поточно, Меси би заработил 496 милиони евра, или 99, 2 милиони евра годишно. Секој месец на сметката на аргентинскиот генијалец би пристигнувале по 8,3 милиони евра.
