И третпат оваа пролет, младинскиот репрезентативец Марко Ѓорѓиевски играч на колото во изборот на МАКФУДБАЛ. Офанзивецот на Борец Велес е повторно во фокусот на вниманието откако со хет-трик за само девет минути, од 12. до 21. минута донесе триумф од 3-0 против Партизан Обршани. Токму од таму и најдобар играч на колото за 21. коло во изборот на МАКФУДБАЛ.
„За мене секој натпревар е нов предизвик за погодоци. Секако, секогаш сакам да бидам единствено во функција на тимот, а головите се дело и на соиграчите“ – вели „гол-машината“ на Борец, Марко Ѓорѓиевски кој пред две кола на дуелот против Детонит јуниор постигна четири погодоци, а сега трипати се запиша во листата на стрелците.
Борец во следното коло од Втората лига – Запад веќе в сабота (20. април) гостува на Вардар во Неготино.
