Жозе Мурињо повторно е една од главните теми во англиските медиуми. Во последните денови многу се пишуваше дека Рафаел Бенитез би можел да добие отказ, а денеска медиумите на Островот тврдат дека токму Мурињо би можел да го замени шпанскиот стратег. Враќањето на Португалецот во Англија на средината на сезоната би било неверојатен спектакл.
Евертон е во серија од осум натпревари без победа, а врв на негативната серија беше тешкиот пораз од 4-1 во големото дерби против Ливерпул. Навивачите на Евертон по тој натпревар ги загубија нервите и почнаа јавно да бараат Бенитез да го напушти клубот, а не се задоволни ниту со сопственикот Фархад Мошири, кој му даде поддршка на актуелниот менаџер.
Британско-иранскиот претприемач досега има инвестирано 500 милиони фунти со Евертон во нови играчи, но тоа не донесе резултати. Токму затоа медиумите најавуваат дека следната цел на Евертон ќе биде Мурињо верувајќи дека португалскиот стручњак може со себе да донесе победнички менталитет.
Мурињо штотуку ја презеде Рома минатото лето, која го донесе од истата причина, па неговото заминување од Рим на средината на сезоната би било големо изненадување, но не би требало и целосно да се исклучува како можност. Португалецот на тој начин би можел многу брзо да се врати во Премиер – лигата од која замина во април оваа година откако доби отказ во Тотенхем.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski