Мурињо сака да го доведе Томас Милер во Фенербахче

Тренерот на турскиот гигант Фенербахче, Жозе Мурињо, сака да го доведе фудбалерот на Баерн Минхен, Томас Милер, во гигантот од Истанбул. Баерн нема да ја продолжи соработката со ветеранот, а Фенербахче сака тоа да го искористи.

Раководството на турскиот клуб е подготвено да му понуди договор на 1+1 година на Томас Милер.

За искусниот Германец се интересираат и клубови од МЛС лигата на САД, а тој нема намера да замине во Саудиска Арабија, од каде исто така има милионска понуда.