Во Реал Мадрид започна нова ера по две разочарувачки сезони без освоен трофеј. Раководството на клубот се реши за темелни промени, а на клупата е поставен Жозе Мурињо, кој веќе доби сериозна поддршка на трансфер-пазарот.
„Кралевите“ досега ангажираа четири засилувања. Одбранбената линија ќе добие целосно нов лик со доаѓањето на Дензел Дамфрис, Марк Кукуреља и Ибрахима Конате, додека средниот ред е освежен со маестралниот Бернардо Силва.
Сепак, мадридскиот гигант не планира да застане тука. Следна цел е доведување на класичен напаѓач кој ќе ја предводи офанзивата во новата сезона.
Според шпанските медиуми, прва желба на Мурињо е Душан Влаховиќ. Српскиот голгетер има предност бидејќи е слободен агент и би пристигнал без обештетување. Како алтернатива се споменува напаѓачот на Њукасл и германската репрезентација, Ник Волтемаде.
Финансискиот аспект, сепак, оди во прилог на Влаховиќ. За Волтемаде би биле потребни повеќе од 50 милиони евра, сума што Реал не е подготвен да ја издвои за фудбалер кој сè уште не се смета за една од најголемите светски ѕвезди.
