Жозе Мурињо сигурно ќе го смени „личниот“ изглед на Рома, тимот кој ќе го води следната сезона. Како прво засилување во летниот преоден рок, како што стојат работите, ќе биде претставен голман.
Руи Патрисио, првиот чувар на мрежата на Вулверхемптон и репрезентацијата на Португалија, е на прагот да се пресели во Рим. Тој ги договори личните услови со клубот, останува сега клубовите да преговараат за условите на трансферот.
Според италијанските медиуми, цената што ја бара премиерлигашот е 12 милиони евра. Вулверхемптон за нов чувар на мрежата ќе го доведе Португалецот Хозе Са.
