МАКФУДБАЛ во Истанбул,
Турција славеше убедлив триумф (4-0) против Македонија на вечерашниот пријателски натпревар во Истанбул.
Селекторот на Турците, Винченцо Монтела, сепак, не мисли дека Македонија е толку инфериорна во однос на неговата селекција.
“Многу сум задоволен дека моите играчи го сфатија мечот сериозно и прикажаа одлична игра. Ја гледавме Македонија претходно, тоа е организиран тим, кој умее да одигра навистина добро. Ние вечерва имавме среќа што го отворивме натпреварот со два брзи гола, и тоа подоцна ни даде дополнителен мотив да продолжиме во силно темпо во најголемиот тек од натпреварот”, изјави Винченцо Монтела по вечерашниот пријателски натпревар.
