Фиорентина стигна до својата 15. победа оваа сезона во Серија А, совладувајќи ја Аталанта со 1-0 на „Артемио Франки“. Овој пораз веројатно ги означува и крајот на надежите на гостите од Бергамо во трката за титулата.
Херој на домаќинот беше Моисе Кин, кој успеа да погоди во 45.минута. Тој одзеде топка на средината на теренот, го претрча целото противничко поле и на крајот го совлада голманот Марко Карнесеки.
По оваа победа, Фиорентина се наоѓа на седмата позиција со 51 бод, пет помалку од четвртопласираната Болоња, која е во зоната за Лигата на шампиони.
