Фудбалскиот клуб Башкими информираше дека младиот навивач кој денеска доживеа несреќа за време на дуелот со Вардар во Куманово се чувствува добро и нема сериозни последици.
Инцидентот се случи по околу десет минути игра во второто полувреме, кога детето падна од трибината и претрпе повреди. Според фотографиите се претпоставува дека повреден е вратот, но малиот Ноарин е во стабилна состојба.
„На денешниот натпревар против Вардар се случи несакан настан со нашиот најмлад навивач Ноарин. Благодарение на брзата реакција на неговите родители и медицинскиот тим на стадионот, неговата состојба е добра и е надвор од опасност. Ноарин е згрижен и добива сè што му е потребно“, стои во соопштението на Башкими.
По краткиот прекин, натпреварот продолжи и заврши без голови.
