Мирчевски херој за Силекс, голот беше регуларен затоа што стоеше 47,7 сантиметри зад одбраната (ФОТО)

Силекс има максимален ефект по четири кола, успеа да го совлада и Арсими во Гостивар со 0-1, со голот на Мартин Мирчевски во 17.минута. Стрелецот не беше во недозволена позиција иако можеби од „голо око“ имаше и сомнежи.

Но, затоа е ВАР технологијата тука оваа сезона, а таа прецизно измери дека Мирчевски беше 47,7 сантиметри зад одбраната во дозволена позиција. Кога веќе беше така, не му беше тешко да реагира на одличниот центаршут на Рајков и да ја спроведе топката во голот.