Борусија Дортмунд минува низ разочарувачка сезона, далеку од врвот и надвор од местата што водат во Лигата на шампионите. Но, со триумфот од 3-1 против четвртопласираниот Мајнц, „милионерите“ покажаа дека сè уште не се откажале од европските амбиции.
Оваа сезона е историски лоша за Дортмунд – првпат по 11 години можат да останат без настап во елитното натпреварување. Сепак, борбата не е завршена. Натпреварот со Мајнц покажа дека тимот има потенцијал, а Нико Ковач можеби конечно го пронајде вистинскиот рецепт за успех.
Дортмунд го отвори резултатот во 39. минута преку Максимилијан Бajер, а само три минути подоцна Емре Џан зголеми на 2-0. Во второто полувреме, Баејер повторно се запиша во листата на стрелците, носејќи убедливо водство од 3-0. Мајнц успеа само да постигне почесен гол преку Небел во 76. минута.
Со оваа победа, Дортмунд останува на десеттото место во Бундеслигата со 38 бода, но сега е на само седум бода од четвртото место. Борбата за Лигата на шампионите станува сè поинтересна.
