Милевски го објави составот: Ќе ја нападнеме Хрватска со Трајковски, Миовски и Елмас

Фудбалската репрезентација на Македонија вечерва (19 часот) игра пријателски натпревар против Хрватска на „Рујевица“ во Ријека. Селекторот Благоја Милевски се одлучи за офанзивна опција, со Александар Трајковски и Бојан Миовски во нападот, но и Елиф Елмас како нивна поддршка од средниот ред.

На голот е Столе Димитриевски, во одбраненото трио се Висар Муслиу, Дарко Велковски и Ѓоко Зајков, а на страничните позиции се Стефан Ашковски и Езгјан Алиоски.

Во средниот ред се Јани Атанасов, Исник Алими и Елиф Елмас, а во нападот Александар Трајковски и Бојан Миовски.