Германскиот првак Баерн Минхен на шокантен начин е елиминиран од Купот на Германија откако во 1/16-финалето загуби од третолигашот Сарбрикен со 2-1.
Искусниот напаѓач Томас Милер по шокантното испаѓање критикуваше неколку соиграчи кои не ги поздравија своите навивачи. За тоа зборуваше пред телевизиските камери, а потоа среде ноќ испрати порака преку Инстаграм.
„Доживеавме тежок пораз, кој е тешко да се проголта. Им се извинувам на навивачите за однесувањето на целиот тим по натпреварот. Треба да се држиме заедно и да ви покажеме почит. Можеби „Класикер“ е совршена можност да се поправи ситуацијата“, истакна Томас Милер.
Баерн Минхен в сабота гостува во Дортмунд и го игра големото дерби против Борусија во Бундес-лигата.
