Милан оствари важен триумф во дербито против Наполи на „Сан Сиро“ славејќи со 2-1, нанесувајќи му го првиот пораз оваа сезона во Серија А на актуелниот шампион. Елиф Елмас играше половина час во финишот за тимот на Антонио Конте, но Наполи не успеа да израмни.
Милан започна силно и поведе уште во третата минута со голот на Салемакерс, а предноста ја удвои Кристијан Пулишиќ во 31. минута.
Домаќинот остана со играч помалку од 57. минута поради исклучувањето на Еступињан, што беше шансата за Наполи да се врати во натпреварот.
Кевин де Бруин намали од пенал во 60. минута, а Наполи вршеше притисок до самиот крај, но не успеа да стигне до израмнување.
