Италијанскиот гигант Милан откако го ангажира хрватскиот капитен Лука Модриќ и репрезентативецот на „аѕурите“, Самуеле Рили, сега се соочува со важна задача поврзана со нивниот најдобар фудбалер, Рафаел Леао.
Европскиот шампион ПСЖ почнал да се интересира за португалскиот репрезентативец, чиј договор со „росонерите“ важи до јуни 2028 година. Милан нема намера да го продаде Леао, туку сака да му понуди нов и подобрен договор со кој ќе го обезбеди неговото останување на „Сан Сиро“, пренесуваат италијанските медиуми.
Леао годишно заработува околу 9 милиони евра со бонуси, а преговорите за нов договор ќе ги води спортскиот директор Игли Таре.
Португалскиот крилен напаѓач дојде во Милан пред шест години од францускиот Лил за сума од 50 милиони евра, а досега на 260 натпревари за „росонерите“ постигна 70 голови и забележа 62 асистенции.
