Милан е подготвен да потпише постојан договор со Кајл Вокер од Манчестер Сити летово, пренесува „Газета дело Спорт“.
Англискиот десен бек се приклучи на „росонерите“ како позајмен играч со опција за откуп за 5 милиони евра во јануарскиот преоден рок, а според информациите, Милан планира да го направи трансферот на дефанзивецот перманентен.
Во моментов, искусниот дефанзивец е надвор од теренот поради скршеница на лакотот.
Од друга страна, Милан ќе ги разгледа понудите за Тео Хернандез, бидејќи француската ѕвезда најверојатно нема да го продолжи договорот, кој истекува на крајот од сезоната 2025/26.
„Росонерите“ ќе ангажираат нов спортски директор за претстојната сезона, а се очекува и да назначат нов тренер на местото на Сержо Консеисао.
