Милан оствари многу значаен триумф (1-3) на гости против Верона и се врати на врвот на табелата во Серија со 80 бода. Во последните две кола на „росонерите“ им се потребни уште четири бода за да не зависат од резултатите на градскиот ривал и актуелен првак Интер, во битката за „скудетото“.
Верона поведе со голот на Давиде Фараони во 38.минута, но израмни Сандро Тонали непосредно пред одморот.
Тонали беше стрелец и на вториот гол за Милан за пресврт во 50.минута, а Алесандро Флоренци во 87.минута стави точка на триумфот.
