Милан и Вест Хем ја објавија трансфер-зделката според која Никлас Фулкруг преминува во италијанскиот клуб како позајмен до летото. Во договорот има и клаузула за откупување во износ од 13-14 милиони евра, но таа не е задолжителна.
Германецот на „Сан Сиро“ ќе го носи дресот со број „9“ и ќе биде во составот дури и за денешниот натпревар против Калјари, но како резерва.
Фулкруг, кој следниот месец ќе наполни 33 години, ги напушта „чеканите“ по само 413 минути игра оваа сезона, без да постигне ниту еден гол.
Според германските медиуми, Фулкруг одбил две понуди од Бундес-лигата за да се пресели во Милан.
