Арсенал конечно ја прекина негативната серија и со минимална победа од 1-0 против Челси се врати на победничките патеки во Премиер лигата. Овој триумф беше многу важен за „топчиите“, кои претходно имаа три натпревари без победа (еден пораз и две ремија).
Со оваа победа, тимот на Микел Артета остана на 12 бодови зад лидерот Ливерпул, девет кола пред крајот на сезоната. Единствениот гол на натпреварот на „Емирати“ беше постигнат во 20. минута, кога Микел Мерино ја искористи асистенцијата од Мартин Одегард и го совлада голманот на Челси, Роберт Санчез.
Во второто дерби на денот, Фулам приреди изненадување и го совлада Тотенхем со 2-0, оставајќи ги „спарс“ во долниот дел од табелата. Родриго Муниз и Рајан Сесењон беа стрелци на головите во 78. и 88. минута, осигурувајќи им три важни бода на домаќините.
