Најтрофејниот македонски клуб Вардар ја стартува 2026 година на лидерската позиција, а планот е да ја задржи до крајот на шампионатот, во битката за титулата. Токму поради тоа, со отворањето на зимскиот преоден рок, раководството на клубот ќе се обиде да ги обнови договорите со дел од клучните играчи во тимот.
Михаил Маневски, левиот бек кој имаше одлична есен, се согласи да потпише нов договор со Вардар. Според новите услови, тој се обврза на верност до јуни 2028 година.
Претходно, истото го стори и Аргентинецот Диего Кастањеда.
