Поранешниот македонски младински репрезентативец, Методи Максимов, во следните шест месеци ќе настапува како позајмен играч во редовите на Брегалница.
Крилниот напаѓач, кој е под договор со австриски ЛАСК, се враќа во Штип во потрага по поголема минутажа и враќање на препознатливата форма по тешката повреда на лигаментите која долго го оддалечи од терените.
Со ангажманот на Максимов, Брегалница добива квалитетен играч, а фудбалерот можност да се врати во некогашната форма кога беше кандидат и за националниот тим.
