Вулверхемптон на утрешниот натпревар против Челси ќе биде без својот менаџер Бруно Лаге. 45-годишниот Португалец е позитивен на коронавирус, објави клубот.
Тој ја пропушти и денешната прес-конференција на која го замени тренерот на голманите, Тони Робертс.
Бруно Лаге се чувствува добро физички и ги водел последните тренинзи на тимот од далечина.
„Волците“ се во серија од три последоватни порази и се на прагот да ги загубат шансите за настап во Европа следната сезона. Тие заостануваат три бода зад седмиот Вест Хем, но одиграа натпревар помалку. Сепак, нивниот распоред до крајот на сезоната е многу тежок.
По утрешното гостување на „Стемфорд Бриџ“, следната недела ќе му гостуваат на Манчестер Сити, а во последното коло му одат на Ливерпул на „Енфилд“.
