Наполи води со 1-0 против Калјари по првото полувреме на стадионот „Диего Армандо Марадона“ во последното коло од Серија А, а херојот на домаќините е – Скот Мектоминеј!
Фудбалерот на шкотската репрезентација постигна спектакуларен гол со ножички во 42. минута, оставајќи го голманот на Калјари без шанси. Со ова Наполи е само 45 минути оддалечен од освојување на Скудетото.
Во исто време, Интер води со 0-1 на гости против Комо, благодарение на погодокот на Стефан де Фрај во 20-тата минута. Домаќините се во големи проблеми, откако голманот, ветеранот Пепе Реина доби директен црвен картон во својот последен натпревар во кариерата.
Напнатата завршница на сезоната ветува драма – дали Наполи ќе ја одбрани предноста и ќе ја освои титулата?
