Македонската фудбалска репрезентација го очекува баражот за Светското првенство, каде во полуфиналето ќе се соочи со Данска, а пред почетокот на Мундијалот националниот тим ќе има најмалку една пријателска средба.
Фудбалската федерација на Македонија добила неколку понуди за натпревари од селекции кои сакаат да се подготвуваат за Светското првенство.
Најконкретна била понудата од Тунис, кој се заинтересирал да гостува во Скопје, но ФФМ информира дека натпреварот би се играл на неутрален терен.
Исто така, Мексико, еден од организаторите на Мундијалот, испратил понуда, но истата била одбиена поради далечното патување.
Сепак, доколку Македонија успее да се пласира на Светското првенство, сигурно дека плановите ќе бидат сосема поинакви.
