Хари Мегваер е скршен затоа што нема да игра за Англија на Европското првенство. Одбранбениот фудбалер на Манчестер Јунајтед не влезе на конечниот список на селекторот Герет Саутгејт откако не успеа да се опорави од повредата.
„Скршен сум што не сум дел од тимот што ќе игра за Англија на Европското првенство ова лето. И покрај моите најдобри напори, не успеав да ја надминам повредата на потколеницата. Можеби премногу се трудев обидувајќи се да успеам. Комплетно сум уништен. Најголема чест ми е да ја претставувам Англија. Тоа ми значи сѐ. Ако не можам да му помогнам на тимот како играч, ќе го поддржам како навивач – заедно со целата земја. Одете и освојте го трофејот момци“, истакна Мегваер.
На конечниот список нема место ниту за Џек Грилиш од Манчестер Сити, ниту за Џејмс Медисон од Тотенхем.
