Натпреварот меѓу младинските репрезентации на Фарските Отрови и Македонија за играчи до 21 година што требаше да се игра денеска е презакажан за следната година. Нашите млади фудбалери тренираа во Торшавн, но поради лошите климатски услови и замрзнатиот терен на стадионот „Торсвулур“ делегатот оцени дека не постојат услови за натпреварот денеска да биде одигран.
По состанокот на кои присутни беа делегатот, судиите и официјалните претставници на двете федерации, беше потврдено дека мечот е одложен, притоа истиот е презакажан за месец јуни 2020 година.
