Суперѕвездата на француската репрезентација, Килијан Мбапе, испиша нови страници во историјата на светските првенства. Со настапот во четвртфиналето против Мароко, напаѓачот го одигра својот 20. натпревар на мундијалите, достигнување со кое постави дури три историски рекорди.
Со овој настап Мбапе официјално се израмни со легендарниот голман и долгогодишен капитен на Франција, Хуго Лорис, кој досега го држеше рекордот за најмногу одиграни натпревари за „триколорите“ на светските првенства. Двајцата сега имаат по 20 настапи на мундијалите.
Уште поимпресивен е фактот што францускиот капитен до ова достигнување стигна на само 27 години и 201 ден, со што стана најмладиот фудбалер во историјата кој одиграл 20 натпревари на светските првенства.
Истовремено, статистиката открива уште едно уникатно достигнување. Сите 20 мундијалски настапи на Мбапе се остварени под водство на селекторот Дидие Дешамп, што претставува апсолутен рекорд во светскиот фудбал за најмногу натпревари на едно светско првенство што еден играч ги одиграл под водство на ист селектор.
