Килијан Мбапе, кој од почетокот на сезоната го носи Реал Мадрид на своите плеќи, јасно ги кажа своите желби за новата година. Напаѓачот, кој постигна 30 гола во 27 натпревари, се надева на трофеи и радост за навивачите.
„Уживам да играм за Реал Мадрид и секогаш се трудам да го ценам моментот и да носам радост на сите. За 2026 година посакувам среќа, здравје и трофеи. Кога победуваме, луѓето се среќни“, изјави Мбапе.
Денес тимот на Чаби Алонсо одржа традиционална отворена тренинг-сесија за навивачите, откако вчера се врати на работа по осумдневната пауза. Реал се враќа на терен во недела, на домашен дуел против Бетис.
