Брегалница го потврди доаѓањето на новото засилување за претстојната сезона – бразилскиот интернационалец Матеус Да Силва Лемос.
29-годишното лево крило од Рио де Жанеиро веќе добро ѝ е познато на македонската фудбалска публика. По настапите за Македонија ЃП и Вардар, како и краткиот престој во Шкендија Арачиново летово, Лемос се одлучи за сино-белиот дрес од Штип.
Офанзивецот веќе една недела е во полн тренажен процес и веднаш му се става на располагање на шефот на стручниот штаб, Никола Кузманов.
Пред да пристигне на македонските терени, Лемос во Бразил ги бранеше боите на Сан Жозе, Мауа, Комерсијал и Индепенденсија.
