Марсел Сабицер ќе биде надвор од терените околу четири недели поради повреда на коленото, соопшти Борусија Дортмунд. Германскиот клуб првично стравуваше дека повредата може да биде потешка, но деталните прегледи покажаа дека паузата ќе трае еден месец.
30-годишниот австриски репрезентативец ќе ги пропушти бараж-натпреварите на Австрија против Србија во Лигата на нациите, кои се закажани за четврток и недела.
Сабицер се повреди за време на саботниот пораз на Дортмунд од 0-2 против Лајпциг – клубот во кој настапуваше во минатото. Неговото отсуство е удар за „жолто-црните“, особено откако неодамна се врати во стартниот состав под водство на новиот тренер Нико Ковач.
