Македонскиот младински репрезентативец Марко Стојилевски направи важен чекор во својата кариера и за првпат ќе настапува надвор од Македонија. Досегашниот фудбалер на Брера официјално е нов член на Смедерево.
Младиот десен бек важи за еден од најперспективните македонски фудбалери на својата позиција. И покрај младоста, зад себе веќе има солидно прволигашко искуство и континуирани настапи на највисоко домашно ниво.
Стојилевски е производ на младинската школа на Вардар, а потоа кариерата ја продолжи во Брера, каде што се афирмираше како стандарден првотимец.
Во дресот на младинските селекции на Македонија има одиграно повеќе од 30 официјални натпревари.
